Մայքլ Քերիքը կշարունակի գլխավորել «Մանչեսթեր Յունայթեդը»
Ֆուտբոլային ինսայդեր Ֆաբրիցիո Ռոմանոն իր կարծիքն է հայտնել անգլիացի մարզիչ Մայքլ Քերիքի՝ հաջորդ մրցաշրջանում «Մանչեսթեր Յունայթեդի» գլխավոր մարզչի պաշտոնում մնալու հավանականության վերաբերյալ: «Կարմիր սատանաների» նախկին կիսապաշտպանը ժամանակավորապես ստանձնեց պաշտոնը այս տարվա հունվարին։
«Ես կարող եմ հաստատել, որ Մայքլ Քերիքը, ամենայն հավանականությամբ, հաջորդ մրցաշրջանում կմնա որպես «Մանչեսթեր Յունայթեդի» մարզիչ: Այս որոշումն արդեն կայացվել է: Բայց այն դեռ պետք է պաշտոնապես հաստատվի: Որովհետև, վերջին հաշվով, ամեն ինչ կախված է Ջիմ Ռաթքլիֆից՝ «Մանչեսթեր Յունայթեդի» համասեփականատիրոջից»,- ասել է Ռոմանոն:
«Մանչեսթեր Յունայթեդը» Անգլիայի Պրեմիեր լիգայի աղյուսակում զբաղեցնում է երրորդ տեղը՝ 36 խաղից հետո վաստակած 65 միավորով:
