ԱՄՆ հետախուզությունը գիտեր, որ Իրանը միջուկային զենք չի մշակում. Ջո Քենթ
Այս պատերազմի բազմաթիվ ողբերգություններից մեկն այն է, որ նախքան դրա սկսվելը ԱՄՆ հետախուզական հանրույթը, ներառյալ Կենտրոնական հետախուզական վարչությունը, համակարծիք էր, որ Իրանը միջուկային զենք չի մշակում, և որ Իրանը հարվածներ կհասցնի տարածաշրջանում ամերիկյան բազաներին ու կփակի Հորմուզի նեղուցը, եթե նրանց վրա հարձակվեն Իսրայելն ու ԱՄՆ-ը: Այդ մասին հայտարարել է ԱՄՆ Ահաբեկչության դեմ պայքարի ազգային կենտրոնի նախկին ղեկավար Ջո Քենթը:
«Հետախուզական հանրույթը նաև ճիշտ էր գնահատել, որ իրանական ղեկավարությանը հարվածներ հասցնելը կամրապնդի վարչակարգը և կքաջալերի կոշտ գծի կողմնակիցներին։ Չնայած հետախուզական հանրույթի ճշգրտությանը, Իսրայելը մեզ ներքաշեց այս պատերազմի մեջ։ Մենք պետք է հստակ հասկանանք, թե ինչպես դա տեղի ունեցավ, որպեսզի երբեք այլևս չհայտնվենք նման իրավիճակում»,- նշել է Քենթը:
