Նշվել է սրտի հիվանդությունների ռիսկը նվազեցնող ըմպելիքը
Սննդաբան Կարեն Գրեցան պատմել է, թե որ ըմպելիքն է օգնում նվազեցնել սրտի հիվանդությունների ռիսկը։ Այս մասին նա խոսել է Eating Well պարբերականի հետ։
Նրա խոսքով՝ սրտանոթային հիվանդություններից պաշտպանում է կանաչ թեյը։ Գրեցան բացատրել է, որ այս խմիչքը պարունակում է բուսական հակաօքսիդանտներ՝ կատեխիններ, որոնք կարող են փոքր, բայց նկատելի չափով նվազեցնել ընդհանուր և «վատ» խոլեստերինի մակարդակը։ Բացի այդ, հակաօքսիդանտները ընդհանուր հակաբորբոքային ազդեցություն ունեն օրգանիզմի վրա, ինչը նույնպես աջակցում է սրտանոթային համակարգի առողջությանը։
«Կանաչ թեյի կատեխիններն ունեն ուժեղ հակաօքսիդանտ ազդեցություն․ նրանք հայտնաբերում և ոչնչացնում են ազատ ռադիկալները, օգնում են նվազեցնել վնասակար օքսիդացման ռեակցիաների ինտենսիվությունը»,- հավելել է սննդաբանը։
Նրա խոսքով՝ այս ամենը պաշտպանում է արյունատար անոթները և խոչընդոտում է զարկերակներում բծերի (ատերոսկլերոտիկ փառերի) առաջացմանը։
