Ամեն քաղաքացու ձայն կարևոր է. ով այդ օրը տանը չմնա, ներդրում կանի իր երեխայի ապագայի մեջ. Կարապետյան
Այսօր հրավիրված ասուլիսի ժամանակ «Ուժեղ Հայաստան» կուսակցության քաղաքական խորհրդի անդամ Նարեկ Կարապետյանին «Փաստինֆո»-ի լրագրողը հարց տվեց այն մասին, որ Նիկոլ Փաշինյանը ցանկություն չունի իշխանությունը զիջելու և նույնիսկ խոսում է սահմանադրական մեծամասնության մասին, սա նշանակում է, որ ընտրությունների այլ ելք կասկածի տակ է դրվելու, ըստ այդմ՝ ինչպե՞ս են վերաբերվում փողոցային պայքարին, և արդյո՞ք կվիճարկեն գործող իշխանությունների գործողությունները:
Այս հարցադրումներին ի պատասխան՝ «Ուժեղ Հայաստան»-ի ներկայացուցիչը վստահեցրեց.
«Աշխարհի պատմության մեջ անթիվ են այն լիդերները, որոնց թվացել է, թե իրենք կարող են ժողովրդի կամքին հակառակ իշխանություն պահել: Ես չեմ կարծում, որ ընտրությունները կեղծվելու են, անցնելու է նորմալ ընտրություն, և ամեն քաղաքացու ձայն կարևոր է, ով այդ օրը տանը չմնա, մեծ ներդրում կանի իր երեխաների ապագայի մեջ: Վստահ եղեք՝ մեր ձայները տեղ են հասնելու»:
Մանրամասները՝ տեսանյութում
