Մոսկվայի դատարանը հեռակա կարգով կալանավորել է քրեական հեղինակություն Մերաբ Սուխումսկուն
Մոսկվայի Տվերսկոյի դատարանը հեռակա կարգով կալանավորել է քրեական հեղինակություն Մերաբ Ջանգվելաձեին (Մերաբ Սուխումսկի)՝ հանցավոր հիերարխիայում բարձրագույն դիրք զբաղեցնելու գործով։ Դրա մասին РИА Новости-ին հայտնել են դատարանի մամուլի ծառայությունից։
«Մոսկվա քաղաքի Տվերսկոյի շրջանային դատարանը Ջանգվելաձեի նկատմամբ որպես խափանման միջոց է ընտրել կալանավորումը՝ երկու ամիս ժամկետով՝ Ռուսաստանի Դաշնության իրավապահ մարմիններին հանձնվելու (արտահանձնման կամ արտաքսման դեպքում) կամ ՌԴ տարածքում փաստացի ձերբակալվելու պահից»,- նշել է գործակալության զրուցակիցը։
Քրեական գործը հարուցվել է ՌԴ Քրեական օրենսգրքի 210.1 հոդվածով (հանցավոր հիերարխիայում բարձրագույն դիրք զբաղեցնելը)։ Ջանգվելաձեի նկատմամբ հայտարարվել է հետախուզում։ Այդ հոդվածի պատժամիջոցը նախատեսում է պատիժ՝ մինչև 15 տարի ազատազրկում։
2025 թվականի ամռանը ՌԴ ՆԳՆ-ն հայտնել էր, որ Ջանգվելաձեն արդեն 40 տարի քրեական շրջանակներում «հեղինակություն» է վայելում և 1985 թվականից ունի համապատասխան ոչ պաշտոնական կարգավիճակ ու ազդեցության որոշակի ոլորտ, ներառյալ՝ Ռուսաստանի տարածքում։ Մեղադրյալը բազմիցս ենթարկվել է քրեական պատասխանատվության և ներկայում թաքնվում է արտերկրում։
Մերաբ Սուխումսկին համարվում է ԱՊՀ տարածքի քրեական աշխարհի ամենաազդեցիկ ներկայացուցիչներից մեկը։
