Փաշինյանը մանևրում է Յանուկովիչի նման. Ռուսաստանը զգուշացնում է՝ կարող է կողմնորոշվել. Ռոստիսլավ Իշչենկո
168TV-ի «Թրիգեր» հաղորդաշարի հյուրը ռուս քաղաքագետ Ռոստիսլավ Իշչենկոն է:
Զրույցի ընթացքում շոշափվել են գլոբալ քաղաքականության և միջազգային անվտանգության առանցքային հարցեր՝ ԱՄՆ-ի ռազմավարությունը Մերձավոր Արևելքում և Իրանի շուրջ հնարավոր էսկալացիան, ներառյալ՝ սահմանափակ պատերազմների սցենարներն ու համաշխարհային քաղաքականության մեջ «կարմիր գծերի» տրանսֆորմացիան։
Քննարկվել են Վաշինգտոնի և Եվրոպայի դերն ուկրաինական հակամարտությունում, եվրոպական էլիտաների ինքնուրույնության աստիճանը և նրանց տեղը միջազգային հարաբերությունների նոր ճարտարապետության մեջ, ինչպես նաև ռուսական արտաքին քաղաքականության էվոլյուցիան, Արևմուտքի հետ դիմակայության ձևաչափի փոփոխության պատճառները և Մոսկվայի ներկայիս ռազմավարության արդյունավետության գնահատականը։
Առանձնակի ուշադրություն է դարձվել Մերձավոր Արևելքի տարածաշրջանային դինամիկային, Իրանի ռազմավարությանը, պրոքսի-ուժերի դերին և հետագա էսկալացիայի ռիսկերին, ինչպես նաև հակամարտային գոտիների ընդլայնման հավանականությանը, ներառյալ՝ Հարավային Ասիան և Խաղաղօվկիանոսյան տարածաշրջանը։
Քննարկվել է աշխարհի՝ «բոլորի պատերազմը՝ բոլորի դեմ» վիճակին անցնելու հիպոթեզը, գլոբալ ռեսուրսների սպառումը և համակարգային ճգնաժամի պայմաններում ժամանակավոր հաղթանակների տրամաբանությունը։
Ծրագրի շրջանակներում դիտարկվել են նաև Հարավային Կովկասում ընթացող գործընթացները․ Ռուսաստանի և Թուրքիայի ազդեցության հավասարակշռությունը, տարածաշրջանի ապակայունացման հնարավոր սցենարները, Հայաստանի աշխարհաքաղաքական ընտրությունը և բազմավեկտոր քաղաքականության նրա ներուժը՝ հաշվի առնելով տնտեսական ու էներգետիկ սահմանափակումները։ Հատուկ անդրադարձ է կատարվել ձևավորվող աշխարհակարգում փոքր պետությունների տեղին՝ հավասարակշռման ռազմավարության, գոյատևման պայքարի և սուբյեկտայնության կորստի ռիսկի միջև։
Հայկ Դերզյան
