ՔԿ-ն՝ Դավիթ և Միքայել Մինասյանների տանը խուզարկություն իրականացրած քննիչի ազատման մասին
ՀՀ Քննչական կոմիտեն չի հերքում, որ Սուրբ Աննա եկեղեցում Փաշինյանի հետ միջադեպի գործով քննիչն ազատվել է աշխատանքից, սակայն աշխատանքից ազատման պատճառները չեն մեկնաբանում։ Համենան դեպս խոսնակը «Փաստինֆո»-ի հարցմանն ի պատասխան ձեռնպահ մնաց մեկնաբանությունից։
Նշենք, որ Դավիթ և Միքայել Մինասյանների տան խուզարկության օրը բնակարան էր մուտք գործել նաև լրատվամիջոցներից մեկը, և քննիչը լրագրողի հարցին ի պատասխան հաստատել էր, որ տանը արգելված որևէ բան չի հայտնաբերվել։ Արդյոք դա է պատճառը՝ քննչականը չմեկնաբանեց:
Ավելի վաղ հայտնել էինք, որ աշխատանքից ազատված տվյալ քննիչը բռնցքամարտի աշխարհի չեմպիոն Իսրայել Հակոբկոխյանի քննիչ որդին է, որի հետ միասին ազատվել է նաև նրա պետը։
18-ի ամյա Դավիթի նկատմամբ որպես խափանման միջոց է կիրառվել կալանաքը, սակայն այսօր նա կրկին գիտակցության կորուստ է ունեցել ու տեղափոխվել «Նաիրի» ԲԿ-ի վերակենդանացման բաժանմունք։
