ԻՀՊԿ-ն հայտնել է Մերձավոր Արևելքում էuկալացիայի սկզբից ի վեր Իսրայելի վրա խոշորագույն և հզnրագույն hարձակման մասին
Իրանի Իսլամական հեղափոխության պահապանների կորպուսը հայտարարել է, որ «Ճշմարիտ խոստում 4» գործողության 37-րդ ալիքը եղել է ամենաինտենսիվն ու հզորը պատերազմի սկզբից ի վեր՝ ծանր մարտագլխիկներով թիրախավորելով իսրայելական և ամերիկյան դիրքերը ողջ տարածաշրջանում, հաղորդում է Al Mayadeen-ը։
Ըստ ԻՀՊԿ-ի՝ գործողությունը ներառել է «Խորամշահր-4» ծանր հրթիռների կիրառումը ԱՄՆ-ի և Իսրայելի ռազմական ենթակառուցվածքների դեմ բազմակի արձակմամբ հարվածի ժամանակ:
Հայտարարության մեջ ասվում է, որ այս ալիքը Իրանի դեմ պատերազմի սկզբից ի վեր երկրորդ անգամ թիրախավորել է Թել Ավիվից հարավ գտնվող ՀաԷլա արբանյակային կապի կենտրոնը, ինչպես նաև Բեեր Յակովի, ալ-Քուդսի և Հայֆայի ռազմական օբյեկտները:
ԻՀՊԿ-ն հավելել է, որ նույն ալիքը հարվածներ է հասցրել նաև ԱՄՆ-ի մի շարք թիրախների Իրաքի Քրդստանի շրջանի Էրբիլ քաղաքում, ինչպես նաև Բահրեյնի Մանամա քաղաքում տեղակայված ԱՄՆ ռազմածովային ուժերի հինգերորդ նավատորմի կենտրոնակայանի հետ կապված օբյեկտներին:
Իրանական ուժերն ընդգծել են, որ գործողությունները կշարունակվեն աճող ինտենսիվությամբ՝ հայտարարելով, որ ընթացիկ պատերազմի ողջ ընթացքում իրենք չեն ձգտելու ոչնչի, բացի լիակատար հաղթանակից։
