ԱԺ կին պատգամավորները և կին աշխատակիցները պարգևատրվել են 70 հազար դրամի չափով
ԱԺ նախագահ Ալեն Սիմոնյանն ԱԺ կանանց պարգևատրելու վերաբերյալ կարգադրություն է ստորագրել, ըստ որի՝ ԱԺ կին պատգամավորները և կին աշխատակիցները կանանց տոնի առիթով պարգևատրվել են 70 հազար դրամի չափով։
«Ղեկավարվելով «Ազգային ժողովի կանոնակարգ» սահմանադրական օրենքի 5-րդ հոդվածի 2-րդ մասի 12-րդ կետով՝ կարգադրում եմ.
Ազգային ժողովի կին պատգամավորներին և կին աշխատողներին պարգևատրել յոթանասուն հազար դրամի չափով՝ համաձայն հավելվածի:
Ազգային ժողովի աշխատակազմի ղեկավար-գլխավոր քարտուղար Դ. ԱՌԱՔԵԼՅԱՆԻՆ՝ Հայաստանի Հանրապետության օրենսդրությամբ սահմանված կարգով ապահովել համապատասխան վճարումների կատարումը»,- նշված է ԱԺ նախագահի ստորագրած կարգադրությունում, որը հրապարակվել է ԱԺ պաշտոնական կայքում։
