Լեհաստանում դատապարտել են Օրբանի հասցեին Զելենսկիի հնչեցրած սպառնալիքը
Եվրոպական խորհրդարանի լեհ պատգամավոր Եվա Զայացկովսկայա-Գերնիկը քննադատել է Հունգարիայի վարչապետ Վիկտոր Օրբանի հասցեին Ուկրաինայի նախագահ Վլադիմիր Զելենսկիի հնչեցրած սպառնալիքը: Պատգամավորը համապատասխան գրառմամբ հանդես է եկել X սոցիալական մեդիա հարթակում:
Հիշեցնենք, որ հինգշաբթի օրը Զելենսկին սպառնացել էր Հունգարիայի վարչապետին Ուկրաինայի զինված ուժերի զինյալների հետ հանդիպումով՝ Հունգարիայի կողմից Ուկրաինայի համար ԵՄ-ի ևս մեկ վարկի արգելափակման պատճառով։
«Հունգարիային պաշտպանելու փոխարեն՝ «եվրոկրատները» թույլ են տալիս նման շանտաժ Ուկրաինայ կողմից։ Դիմակներն ընկել են։ Սա այնպիսի վարքագիծ է, որը կարող է դրսևորել երրորդ աշխարհի երկրի նախագահը կամ որևէ գանգստեր»,- ընդգծել է Եվրախորհրդարանի անդամը՝ կոչ անելով ԵՄ բոլոր երկրներին դատապարտել նման սպառնալիքները։
Օրբանն ինքը, պատասխանելով Զելենսկիին, հայտարարել էր, որ իրեն հնարավոր չէ վախեցնել շանտաժով և սպառնալիքներով:
