ԱՄՆ-ն և Իսրայելը հարվածներ են հասցրել իրանական 174 քաղաքի․ Կարմիր մահիկ
Իրանի Կարմիր մահիկի ընկերությունը մարտի 5-ին հայտարարել է, որ Իրանի դեմ ԱՄՆ-ի և Իսրայելի կողմից իրականացված ավիահարվածների թիրախում է հայտնվել երկրի 174 քաղաք։ Այս մասին հայտնում է Associates Press-ը։
Կարմիր մահիկի տեղեկացմամբ՝ մինչ օրս գրանցվել է առնվազն 1332 հարձակում 636 տեղանքում։ Ընկերությունից հայտնել են, որ մի շարք քաղաքներում հարվածներ են հասցվել բնակելի թաղամասերին։
Վնասվել են նաև Կարմիր մահիկի յոթ բազաներ և մասնաճյուղեր, ինչպես նաև ընկերության երեք փրկարարական մեքենա և 14 բժշկական ու դեղագործական կենտրոն։
Փետրվարի 28-ին Միացյալ Նահանգները և Իսրայելը ռազմական գործողություն են սկսել Իրանի դեմ: Սպիտակ տունը հարձակումը հիմնավորել է Թեհրանից բխող հրթիռային և միջուկային սպառնալիքներով:
ԱՄՆ-ի և Իսրայելի հարվածների հետևանքով Իրանում զոհերի թիվը հասել է 1045-ի:
