ԱՄՆ Սենատը մերժել է Իրանի դեմ պատերազմը դադարեցնելու մասին օրինագիծը
ԱՄՆ Սենատում Հանրապետական կուսակցության անդամները մերժել են բանաձևը, որը կոչ էր անում Միացյալ Նահանգների վարչակազմին արգելել Իրանի դեմ ռազմական ուժի կիրառումն առանց օրենսդիր մարմնի թույլտվության:
Ինչպես հաղորդում է Associated Press գործակալությունը, բանաձևին կողմ է քվեարկել 47 պատգամավոր, դեմ՝ 53-ը։Հանրապետականների կողմից վերահսկվող վերին պալատում բանաձևն ընդունելու համար անհրաժեշտ էր օրենսդիրների պարզ մեծամասնությունը։
Պատերազմական լիազորությունների մասին բանաձևը օրենսդիրներին հնարավորություն էր տալիս պահանջել Կոնգրեսի կողմից հաստատում՝ նախքան որևէ հետագա հարձակում իրականացնելը:Քվեարկությունից առաջ ասաց Սենատի դեմոկրատական առաջնորդ Չակ Շումերը նշել էր․ «Այսօր յուրաքանչյուր սենատոր կընտրի, թե որ կողմում է կանգնած:
Արդյոք կանգնած եք Մերձավոր Արևելքում հավերժական պատերազմներից հոգնած ամերիկացի ժողովրդի կողքին, թե՞ Դոնալդ Թրամփի և Փիթ Հեգսեթի կողքին, ովքեր մեզ գլխիվայր շպրտում են մեկ այլ պատերազմի մեջ»:
ԱՄՆ պաշտպանության նախարար Հեգսեթը նախօրեին հայտարարել էր, որ Իրանի դեմ սկսված պատերազմը կարող է շարունակվել ութ շաբաթ՝ ավելի երկար, քան կանխատեսել էր ԱՄՆ նախագահ Թրամփը։
