ԱՄՆ ԿՀՎ տնօրենը Վենեսուելայում հանդիպել է ժամանակավոր նախագահ Դելսի Ռոդրիգեսի հետ
ԱՄՆ կենտրոնական հետախուզական վարչության տնօրեն Ջոն Ռաթքլիֆը։
Ինչպես տեղեկացնում է BBC-ն, ԿՀՎ ղեկավարը Վենեսուելա է մեկնել Դոնալդ Թրամփի հրահանգով։ Ռաթքլիֆի և Ռոդրիգեսի հանդիպումը տևել է մոտ երկու ժամ։
«Նախագահ Թրամփի հրահանգով տնօրեն Ռաթքլիֆը այցելել է Վենեսուելա՝ հանդիպելու ժամանակավոր նախագահ Դելսի Ռոդրիգեսի հետ և փոխանցելու այն ուղերձը, որ ԱՄՆ-ն ակնկալում է բարելավել աշխատանքային հարաբերությունները»,- նշել է BBC-ի աղբյուրը։
Նրա խոսքով՝ Կարակասում կայացած հանդիպման ընթացքում քննարկվել են նաև տնտեսական համագործակցության հնարավորությունները, ինչպես նաև այն հանգամանքը, որ Վենեսուելան այլևս չպետք է անվտանգ ապաստան հանդիսանա ԱՄՆ-ի հակառակորդների համար, մասնավորապես՝ թմրանյութերի ապօրինի շրջանառությամբ զբաղվողների։
