Թուրքիան մեկնաբանել է Վենեսուելայի իրադարձությունները
Թուրքիայի ԱԳՆ-ն Վենեսուելայի շուրջ վերջին իրադարձությունների առիթով հանդես է եկել հայտարարությամբ։
«Մենք ուշադիր հետևում ենք Վենեսուելայում տեղի ունեցող վերջին իրադարձություններին։ Թուրքիան մեծ կարևորություն է տալիս Վենեսուելայի կայունությանը, խաղաղությանը և ժողովրդի բարեկեցությանը։
Մենք կոչ ենք անում բոլոր կողմերին ցուցաբերել զսպվածություն, որպեսզի ներկայիս իրավիճակը չհանգեցնի բացասական հետևանքների տարածաշրջանային և միջազգային անվտանգության համար։
Թուրքիան պատրաստ է ցանկացած կառուցողական ներդրում ունենալ Վենեսուելայի ճգնաժամի կարգավորման գործում՝ միջազգային իրավունքի շրջանակներում։ Մեր դեսպանատունը Կարակասում շարունակում է անխափան կապ և անհրաժեշտ համակարգում ապահովել երկրում գտնվող թուրք քաղաքացիների հետ», – նշված է Թուրքիայի ԱԳՆ հայտարարության մեջ։
