ՀՀ առջև ծառացած հիմնախնդիրներից առաջնայինը անվտանգությունն է. հարցում

ՀՀ քաղաքացիների 37,1 %-ը երկրում ամենակարևոր խնդիրը համարում են անվտանգության հետ կապված հարցերը։ «Գելափ ինթերնեշնլ» ասոցիացիայի հայաստանյան ներկայացուցչության տնօրեն Արամ Նավասարդյանը ներկայացրեց դեկտեմբերի 24-27-ն ընկած ժամանակահատվածում 1000 անձի շրջանում անցկացված սոցիոլոգիական հարցումների պատասխանը։

Հարցին՝ թե որոնք են ՀՀ-ի առջև ծառացած ամենակարևոր խնդիրները, քաղաքացիները պատասխանել են․

Անվտանգության հետ կապված խնդիրներ- 37,1%

Ցածր թոշակներ ու աշխատավարձեր- 23,4 %

Տնտեսական ընդհանուր վիճակ- 13,8%

Գործազրկություն- 13,3%

Գնաճ և ինֆլյացիա- 12%

Կրթության վատ վիճակ- 13,3 %

Սահմանների հստակեցման խնդիր- 9,8%

Առողջապահական համակարգի վատ վիճակ- 8,6%

Սոցիալական վիճակի և աղքատության հարցը որպես երկրի ամենակարևոր խնդիր նշել են հարցվածների 5,3%-ը, օդի աղտոտվածությունը լուրջ խնդիր են համարել 5,1%-ը, պետություն-եկեղեցի հակամարտությունը՝ 4,7%-ը, գերիների վերադարձը՝ 3%-ը, հասարակության համերաշխության բացակայությունը, հասարակական տրանսպորտի խնդիրները, բարձր կոմունալ վճարները, արտաքին քաղաքականության խնդիրները նշել են 2,7%-ը։

Լեռնային Ղարաբաղի հիմնախնդիրը կարևորել են 2,5%-ը, կոռուպցիան ու բարձր հարկերը՝ 2%-ը։
Երկրի առջև ծառացած ամենակարևոր խնդիր դժվարացել են նշել 6,2%-ը։