Բժիշկը զգուշացրել է Նոր տարվա եղևնու հնարավոր վտանգների մասին
Բժիշկ Ալեքսանդրա Ֆիլևան զգուշացրել է, որ Նոր տարվա եղևնին կարող է լուրջ ալերգիա առաջացնել: Նա РИАМО-ի հետ հարցազրույցում բացահայտել է տոնական եղևնու հնարավոր վտանգները։
Բժիշկը նշել է, որ թարմ եղևնին կարող է լինել ալերգիայի պատճառներից մեկը: «Պատճառը ոչ թե փայտն է, այլ մանրադիտակային բորբոսը, որը զարգանում է կեղևու բնի վրա»,- բացատրել է Ֆիլևան:
Ավելին, բնական խեժերը կարող են գրգռել շնչառական ուղիների լորձաթաղանթը:
Բժիշկը նաև պարզաբանել է, որ արհեստական եղևնին նույնպես կարող է վտանգ ներկայացնել, հատկապես, եթե այն պահվել է փոշոտ տարածքում: Ֆիլևայի խոսքով, այս դեպքում եղևնին կուտակում է մեծ քանակությամբ կենցաղային փոշի, փոշու տզեր և բորբոսի սպորներ։
