Իսրայելի պաշտպանության նախարարը հայտարարել է, որ բանակը կմնա Գազայում
Իսրայելի պաշտպանության նախարար Իսրայել Կացը հայտարարել է, որ զինվորականները, անվտանգության նկատառումներից ելնելով, երբեք ամբողջությամբ դուրս չեն գա Գազայի հատվածից, և որ պաղեստինյան անկլավում կստեղծվի քաղաքացիական-զինվորական բանակային ստորաբաժանում. այս մասին հայտնում է Reuters-ը:
Հոկտեմբերին ԱՄՆ-ի աջակցությամբ Իսրայելի և ՀԱՄԱՍ-ի կողմից ստորագրված խաղաղության ծրագրի համաձայն՝ իսրայելական զինվորականները աստիճանաբար ամբողջությամբ պետք է դուրս գային անկլավից:
«Մենք գտնվում ենք Գազայի խորքում և երբեք ամբողջությամբ չենք լքի Գազան։ Նման բան երբեք չի լինի։ Մենք այնտեղ ենք՝ պաշտպանելու, կանխելու համար այն, ինչ տեղի ունեցավ», -ասել է Կացը:
Վարչապետ Բենիամին Նեթանյահուի գրասենյակը հրաժարվել է մեկնաբանություն տալ։
Իսրայելական բանակի ստորաբաժանումներին անդրադառնալով՝ Կացն ասել է, որբ երբ ժամանակը գա, հյուսիսային Գազայում կկառուցեն Նահալ ստորաբաժանումներ՝ տեղահանված (իսրայելական) համայնքների փոխարեն։
