ՀՀ դեսպանությունը Թբիլիսիում մասնակցել է Վրաստանի կանանց միջազգային ասոցիացիայի ամանորյա բարեգործական տոնավաճառին
]Թբիլիսիի Sheraton Metechi Palace հյուրանոցում տեղի է ունեցել Վրաստանի կանանց միջազգային ասոցիացիայի (IWA Georgia – International Women’s Association) կողմից կազմակերպվող ամանորյա ավանդական բարեգործական տոնավաճառը, որին իր տաղավարով մասնակցել է նաև Վրաստանում Հայաստանի Հանրապետության դեսպանությունը։
Այս մասին նշված է Վրաստանում Հայաստանի դեսպանության տարածած հաղորդագրության մեջ։
Դեսպանության փոխանցմամբ՝ տաղավարում ներկայացված են եղել հայկական մի շարք ապրանքատեսակներ, ավանդական ուտեստներ և խմիչքներ։ Տոնավաճառում իրենց ձեռագործ աշխատանքներն են ներկայացրել նաև ՀՀ-ից ժամանած Հովհաննես Շարամբեյանի անվան ժողովրդական արվեստների թանգարանի վարպետները։
Նշվում է, որ հայկական տաղավարը մեծ հետաքրքրության է արժանացել տոնավաճառի այցելուների կողմից։
