Սիս գյուղի բնակչի տան բակում թմրամիջոց են հայտնաբերել
Քրեական ոստիկանության Արարատի մարզային վարչության ծառայողները օպերատիվ տեղեկություն էին ստացել, որ Սիս գյուղի 52-ամյա բնակիչը պահում և օգտագործում է կանեփից պատրաստված թմրանյութ։
Նոյեմբերի 25-ին Սիս մեկնած քրեական ոստիկանները 52-ամյա տղամարդու տան բակի ակնհայտ տեսանելի հատվածում նկատել են թմրանյութի նմանվող զանգվածով ապակյա տարա:
Նախաձեռնվել է քրեական վարույթ, որի շրջանակում կատարված զննությամբ ապակյա տարայում հայտնաբերվել է 58,83 գրամ թմրանյութի նմանվող զանգված:
52-ամյա տղամարդը ձերբակալվել և տեղափոխվել է ձերբակալվածների պահման վայր:
