Պալադիումի գինը բարձրացել է՝ մեկ տրոյական ունցիայի համար հասնելով 1650 դոլարի
Դեկտեմբերյան մատակարարման պալադիումի ֆյուչերսների գինը բարձրացել է 4,3%-ով՝ մեկ տրոյական ունցիայի համար հասնելով 1650 դոլարի. հաղորդում է «Коммерсантъ»-ը։
Նյու Յորքի ապրանքային բորսայի (NYMEX) տվյալներով՝ վերջին անգամ նման ցուցանիշ է գրանցվել նաև 2023 թվականի փետրվարի 9-ին։
Երևանի ժամանակով 20:00-ի դրությամբ պալադիումի ֆյուչերսների գինը բարձրացել է, հասնելով 1662 դոլարի (+4,53%)։ Երևանի ժամանակով 17:46-ին մեկ տրոյական ունցիայի համար այն հասել է 1672 դոլարի։
Պալադիումի գները վերադարձել են իրենց երկամյա ամենաբարձր մակարդակին, վերջին շաբաթվա ընթացքում աճելով 16%-ով՝ մեկ տրոյական ունցիայի համար հասնելով 1500 դոլարի։ Աշնան սկզբից ի վեր պալադիումը թանկացել է 32%-ով՝ գերազանցելով մյուս բոլոր թանկարժեք մետաղներին։
