Եվրոպական երկրների ղեկավարները Կոպենհագենում կքննարկեն ԵՄ-ի պաշտպանության ամրապնդումը
Եվրամիության անդամ պետությունների ղեկավարները հոկտեմբերի 1-ին կհավաքվեն Կոպենհագենում՝ Եվրոպական խորհրդի ոչ պաշտոնական նիստին, որը նվիրված կլինի ԵՄ-ի պաշտպանության ամրապնդման հարցերին և Ուկրաինային ցուցաբերվող օգնության մեծացմանը։
«Մենք կկենտրոնանանք երկու ուղղության վրա՝ Եվրոպայի ընդհանուր պաշտպանական պատրաստվածության ամրապնդման և Ուկրաինային ցուցաբերվող աջակցության մեծացման վրա», -ասել է Եվրոպական խորհրդի ղեկավար Անտոնիու Կոշտան։
Նաև հաղորդվում է, որ Եվրոպայի պաշտպանության ամրապնդման ուղիների քննարկումն անցկացվելու է այդ թվում կապված վերջերս անօդաչուների կողմից ԵՄ-ի մի շարք երկրների օդային տարածության խախտումների հետ, որոնց համար պատասխանատվությունը Բրյուսելը դնում է Ռուսաստանի վրա։
Եվրոպական խորհուրդը համարում է, որ այդ միջադեպերը վկայում են այն մասին, որ ԵՄ-ն պետք է արագացնի և ակտիվացնի ջանքերը՝ կառուցելու համար այնպիսի Եվրոպա, որը կարող է արդյունավետ և ինքնուրույն արձագանքել ընդհանուր սպառնալիքներին։
