ԵՄ-ն կանգնած է Մոլդովայի կողքին եվրաինտեգրման ճանապարհին. Կալաս
Մոլդովան խորհրդարանական ընտրություններում իր քվեարկությամբ հստակ «այո» ասաց եվրոպական ապագային: Այս մասին հայտարարել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը:
«Մոլդովայի քվեարկությունը հստակ «այո» է եվրոպական ապագային: Չնայած Ռուսաստանի կողմից ապատեղեկատվություն տարածելու և քվեներ գնելու զանգվածային ջանքերին, ոչ մի ուժ չի կարող կանգնեցնել ժողովրդին, որը հանձնառու է ազատությանը: Մենք կանգնած ենք Մոլդովայի կողքին դեպի ԵՄ նրանց ճանապարհին», – գրել է Կալասը X-ում:
Ըստ սեպտեմբերի 28-ին տեղի ունեցած խորհրդարանական ընտրությունների նախնական արդյունքների՝ եվրոպամետ «Գործողության և համերաշխության կուսակցությունը» ստացել է ձայների 50,2%-ը:
Ռուսամետ «Հայրենասիրական դաշինքի» օգտին քվեարկել է ընտրողների 24,2%-ը: Ավելի վաղ նախագահ Մայա Սանդուն զգուշացրել էր ռուսական «մեծ միջամտության» մասին՝ նշելով, որ Մոլդովայի ապագան վտանգի տակ է:
