ՃՆՇՈՒՄՍ ԲԱՐՁՐԱՑԱՎ, ՍՐԱ ՀԱՄԱ՞Ր ԷԻՐ ԻՆՁ ԿԱՆՉԵԼ. ԶԱՌԱ ՍԱՀԱԿՅԱՆ
«Ես սկանդալային մարդ չեմ. շուկան փոքր է. իմաստ չեմ գտնում»,- 168TV-ի «Ռանդևու» հաղորդման ժամանակ ասաց սիրված դերասանուհի Զառա Սահակյանը՝ անդրադառնալով այն արտիստներին, ովքեր կեղծ սկանդալներ են հարուցում իրենց անվան շուրջ՝ ևս մեկ անգամ իրենց գոյությունը հիշեցնելու համար։
Խոսելով մեր ժամանակներում արժեքային փոփոխությունների ու ընտանիքի դերի մասին՝ դերասանուհին ընդգծում է․
«Արժեքային փոփոխությունները ծանր եմ տանում. կոնսերվատիվ մարդ եմ։ Երբ ես ունեմ հստակ պատկերացում ընտանիք ինստիտուտի վերաբերյալ ու տեսնում եմ մեկ այլ բան, որը ևս կարող է կոչվել ընտանիք, բայց իմ պատկերացրածն ընդհանրապես դրա մասին չէ։ Կարող են լինել զույգեր, բայց ապրեն ամեն մեկն իր կյանքով, ու անունը դնել ընտանիք, ես դա չեմ հասկանում, դա նորմա՞լ է։ Սա դեգրադացիա չէ, սա մարդկության վերացում է»։
Զառա Սահակյանի հետ խոսել ենք նաև անձնական կյանքի, ամուսնալուծության մասին.
«Ամուսնալուծությունը ո՛չ դատավճիռ է, ո՛չ թշնամություն. առանձին ենք ապրում, բայց ունենք հրաշալի հարաբերություններ։ Հանուն երեխայի ամուսնալուծության չգնացող տեսակ չեմ, քանի որ ինչ-որ ժամանակ կարող ես խաղալ, որ երջանիկ ես, բայց դա իր «էֆեկտն» ունենալու է»։
Մանրամասները՝ տեսանյութում։
Ասատուր Ասլանյան
