Չէի սպասում, որ Փաշինյանն այդքան շուտ կսկսի բացահայտել «Զանգեզուրի միջանցքի» ստեղծման իրական դրդապատճառները. Կարեն Իգիթյան
Չէի սպասում, որ Փաշինյանն այդքան շուտ կսկսի բացահայտել «Զանգեզուրի միջանցքի» ստեղծման իրական դրդապատճառները։ Նա ասում է, որ այդ ճանապարհով զենք կարող է տեղափոխվել, ասել է քաղաքական վերլուծաբան Կարեն Իգիթյանը, ում մուտքը Հայաստան, հիշեցնենք, ՀՀ իշխանություններն արգելել են։ Նա նշել է, որ դեռևս հուլիսի կեսերին 168.am-ին և «5-րդ ալիքին» տված հարցազրույցում է ասել, որ Միջանցքը ստեղծվում է հատուկ զենքի անարգել տեղափոխման համար։
«Իսկ այսօր, որպեսզի ոչ ոք չկասկածի «Ադրբեջանի խաղաղ մտադրությունների» վրա, Ադրբեջանի Հանրապետության խորհրդարանի փոխխոսնակ Ասկերովը հայտարարել է. «Խորհրդային տարիներին Զանգեզուրը, որը ադրբեջանական տարածք էր, կտրվել և հանձնվել է Հայաստանին»։
«Ամեն դեպքում դա մեր հողն էր։ Նախիջևան տանող ցամաքային ճանապարհը կբացվի, և Զանգեզուրով անցնող ճանապարհը նույնպես կբացվի»»,-ադրբեջանական պաշտոնական դիրքորոշումն է ներկայացրել Կարեն Իգիթյանը:
