Թրամփը կարծում է, որ առաջիկայում համաձայնություն ձեռք կբերվի Գազայի հարցի կարգավորման շուրջ
ԱՄՆ նախագահ Դոնալդ Թրամփը կարծում է, որ մոտ ժամանակներս հնարավոր կլինի համաձայնության գալ Գազայի հատվածում հակամարտության կարգավորման վերաբերյալ։
«Ես կարծում եմ, որ մենք շատ շուտով համաձայնության կհասնենք Գազայի հարցում», – սեպտեմբերի 7-ին նշել է ԱՄՆ-ի ղեկավարը՝ պատասխանելով լրագրողների հարցերին Էնդրյուս ռազմակայանում։
Պաղեստինյան ՀԱՄԱՍ արմատական շարժումն ավելի վաղ հայտարարել էր, որ պատրաստ է անհապաղ վերադառնալու բանակցությունների Գազայի հատվածում հրադադարի և այնտեղ պահվող բոլոր պատանդների ազատ արձակման շուրջ։
Ավելի վաղ Թրամփը ՀԱՆԱՍ-ից պահանջել էր ընդունել Գազայի հարցում հակամարտության կարգավորման իր պայմանները և ընդգծել է, որ դա «վերջին նախազգուշացումն» է։
