ԿԳՄՍՆ-ն 3 միլիոն 415.000 դրամ դրամաշնորհով պատվիրակել է եռօրյա ճամբարի կազմակերպումը
Կրթության, գիտության, մշակույթի և սպորտի նախարարությունն օրերս հերթական դրամաշնորհն է հատկացրել՝ այս անգամ «Էնի վիշ» ՍՊԸ-ին։ Դրամաշնորհի գինը կազմել է 3 միլիոն 415.000 դրամ։
Այս գումարով ընկերությունը կազմակերպել է «Համահայկական ճանաչողական և համագործակցության միջոցառում»-ը։
«2025թ. օգոստոսին նախատեսվում է կազմակերպել երեքօրյա ճանաչողական-մշակութային և կրթական ճամբար Ապարան Երիտասարդական մայրաքաղաքում՝ ներգրավելով առնվազն 25 վիրահայ երիտասարդների:
Ճամբարի շրջանակում կիրականացվեն պատմամշակութային այցելություններ, թիմային աշխատանքներ, ազգային արժեքների շուրջ քննարկումներ, բանախոսություններ, ստեղծագործական վարպետաց դասեր և մշակութային երեկոներ»,- ասվում է մրցույթի հրավերում։
Մատակարար ընկերությունը պետգնումներում 4 պայմանագիր ունի, որոնցից 2-ը ոչ մրցակցային՝ մեկ անձ և դրամաշնորհային գնման ընթացակարգերով են կնքվել․ օրինակ, 2022 թվականին այս ընկերության և էկոնոմիկայի նախարարության միջև էլեկտրոնային աճուրդ գնման ընթացակարգով կնքվել է 50 մլն 339.600 դրամ արժողությամբ պայմանագիր, որով իրականացվել են ՄԱԿ ԶՀԿ Եվրոպայի տարածաշրջանային, 2021թ. արդեն էկոնոմիկայի նախարարությունը այս ընկերությանն է վստահել Հայ-ռուսական բիզնես ֆորումի կազմակերպման ծառայությունները, և այդ անգամ մեկ անձ ընթացակարգով գնման պայմանագրի գին է նշվել 19 միլիոն 254.000 դրամը։
