Իսրայելի բանակը տանկեր և զինվորներ է կուտակել Գազայի սահմանին
Իսրայելի բանակը տանկեր և զինվորներ է կուտակել Գազայի սահմանին՝ թիրախավորելով քաղաքի արևելյան և հյուսիսային թաղամասերը։ Պաշտպանության նախարար Իսրայել Կացը հայտարարել է, թե անկլավը հողին կհավասարեցվի, եթե «Համաս»-ը չհամաձայնի ազատ արձակել բոլոր պատանդներին ու դադարեցնել պատերազմը՝ Իսրայելի պայմաններով։
«Համաս»-ը երեկ հայտարարել է, որ «պատանդներին վերադարձնելու միակ միջոցը» հրադադարն է, ընդգծելով՝ Գազան գրավելու Իսրայելի ծրագիրը ցույց է տալիս, որ Նեթանյահուի կառավարությունը լուրջ չի վերաբերվում այդ հարցին։
