Ռուսաստանը չի համարձակվի երկրորդ ռազմաճակատ բացել Ադրբեջանի դեմ․ Թոֆիկ Զուլֆուգարով
Ուկրաինայում անհաջողություններից հետո Կրեմլը թշնամիների նոր կերպարներ է փնտրում։ Այս մասին հայտարարել է նախկին արտգործնախարար Թոֆիկ Զուլֆուգարովը, գրում է ադրբեջանական Telegram ալիքը։
Նրա խոսքով՝ վերջին ամիսներին ռուսական քարոզչության հատուկ թիրախներ են դարձել Ադրբեջանը և Ղազախստանը։ Նախկինում այս հարձակումները ուղղված են եղել Բալթյան երկրների, ՆԱՏՕ-ի և Ֆրանսիայի դեմ։
«Ռուսաստանը չի համարձակվի երկրորդ ճակատ բացել Ադրբեջանի դեմ։ Այս քարոզչական ճնշումը կշարունակվի։ Առայժմ մենք միայն արդյունքներն ենք տեսնում, բայց ժամանակի ընթացքում իրավիճակը ավելի պարզ կդառնա», – ասել է նա։
«Ադրբեջանի և Թուրքիայի միջև կա ամուր դաշինք, որը մեզ պաշտպանում է ցանկացած ռազմական սպառնալիքից։ Սակայն Ռուսաստանը ո՛չ քաջություն ունի, ո՛չ էլ ուժ երկրորդ ճակատ բացելու համար», – հավելել է նախկին նախարարը։
