Ֆինլանդիայի խորհրդարանում հայտնաբերել են պատգամավորի մարմինը
Ֆինլանդիայի խորհրդարանում մահացած են գտել 30-ամյա պատգամավոր Էեմելի Պելտոնենին։ Այս տեղեկությունը հաստատել է խորհրդարանի հաղորդակցությունների բաժինը։ Այս մասին հաղորդում է ֆիննական Yle պարբերականը։
Ավելի վաղ Iltalehti պարբերականը հայտնել էր, որ պատգամավորն ինքնասպան է եղել խորհրդարանի շենքում։ Օրենսդիր մարմնի անվտանգության բաժնի տնօրենը Yle-ին ասել է, որ չի հերքում այս տեղեկությունը։
Ֆինլանդիայի վարչապետ Պետերի Օրպոն հաստատել է պատգամավորի մահը՝ տեղի ունեցածն անվանելով «ցնցող նորություն»։ Նա ցավակցություն է հայտնել Պելտոնենի ընտանիքի անդամներին։
Ավելի վաղ՝ հունիսին, Պելտոնենը Facebook-ում հայտնել էր, որ առողջական խնդիրներ ունի, այդ թվում՝ երիկամի հետ կապված հիվանդություն։ Նա երկար ժամանակ բացակայել էր նիստերից։
