Նեթանյահուն Ավստրալիայի վարչապետին թույլ քաղաքական գործիչ է անվանել

Իսրայելի վարչապետ Բենյամին Նեթանյահուն քննադատել է իր ավստրալացի գործընկեր Էնթոնի Ալբանեզեին իսրայելա-պաղեստինյան հակամարտության վերաբերյալ իր դիրքորոշման համար։ Նեթանյահուն Ավստրալիայի կառավարության ղեկավարին անվանել է «թույլ քաղաքական գործիչ»։

«Պատմությունը կհիշի Ալբանեզեին այնպիսին, ինչպիսին նա կա. թույլ քաղաքական գործիչ, որը դավաճանել է Իսրայելին և լքել ավստրալացի հրեաներին»,- գրել է Նեթանյահուն իր «X» սոցիալական ցանցի էջում։

Նեթանյահուի մեկնաբանությունները հնչել են երկու երկրների միջև դիվանագիտական լարվածության սրումից հետո, երբ Ավստրալիան արգելել է երկիր մուտք գործել Իսրայելի արդարադատության նախկին նախարար Այելետ Շաքեդին և իսրայելամետ ակտիվիստ Հիլել Ֆուլդին, ինչպես նաև խորհրդարանի անդամ Սիմխա Ռոթմանին։ Բացի այդ, Կանբերրան նաև հայտարարել է, որ սեպտեմբերին ՄԱԿ-ի Գլխավոր ասամբլեայում կճանաչի Պաղեստինի պետությունը։

Ի պատասխան՝ Իսրայելի արտաքին գործերի նախարար Գիդեոն Սաարը հայտարարել է, որ Պաղեստինի ինքնավարությունում Ավստրալիայի դիվանագիտական ներկայացուցիչների վիզաները չեղյալ կհայտարարվեն։

Regionmonitor.com

Տեսանյութեր

Լրահոս