Վազգեն Գալստանյանը 1995թ. մահացել է. ես Բագրատ արքեպիսկոպոս Գալստանյանն եմ. Բագրատ Սրբազան
Երևանի ընդհանուր իրավասության քրեական դատարանում՝ դատավոր Կարեն Ֆարխոյանի նախագահությամբ, մեկնարկել է Բագրատ արքեպիսկոպոս Գալստանյանի, Իգոր Սարգսյանի, Դավիթ Գալստյանի և մյուսների գործով նախնական դատալսումները։
Դատավորը մեղադրյալների ինքնությունը ճշտելիս, դիմելով Բագրատ Սրբազանին, ասաց Վազգեն Գալստանյանը, ինչին ի պատասխան Սրբազանն ասաց՝ Վազգեն Գալստանյանը 1995թ. մահացել է, ինքը Բագրատ արքեպիսկոպոս Գալստանյանն է։
«Վազգեն Գալստանյանը 1995թ. մահացել է. ես Բագրատ արքեպիսկոպոս Գալստանյանն եմ: Դատարանի կարգը գիտեմ, բայց խնդրում եմ ինձ կոչել Բագրատ արքեպիսկոպոս: Ծնողներս պարսկահայ են, ունեմ մի քանի բարձրագույն կրթություն, 6 գիրք ունեմ, ամուսնացած չեմ, զավակներ չունեմ, դատապարտված չեմ եղել»,- ասաց Բագրատ սրբազանը:
Դատավորի հարցին՝ ամուսնացա՞ծ է, Բագրատ սրբազանը պատասխանեց․ «Վստահաբար, երեխաներ էլ չունեմ»։
Հարցին էլ՝ նախկինում դատապարտված եղել է, թե ոչ, Սրբազանը պատասխանեց. «Երբեք, հնարավորություն էլ չեմ ունեցել»։
