Վերականգնվել է ՀՀ սեփականության իրավունքը Նորք-Մարաշում գտնվող 1,7 հա մակերեսով հողամասի նկատմամբ
ՀՀ գլխավոր դատախազության հայցի հիման վրա Հակակոռուպցիոն դատարանի համապատասխան որոշմամբ՝ ՀՀ սեփականություն է ճանաչվել Երևանի Նորք-Մարաշ Գ.Հովսեփյան փողոցի հեռուստաաշտարակին հարող տարածքում գտնվող 1,7 հա մակերեսով հողամասը։
Այս մասին ՀՀ կառավարության օգոստոսի 7-ի նիստում ասաց Տարածքային կառավարման և ենթակառուցվածքների նախարար Դավիթ Խուդաթյանը՝ ներկայացնելով անշարժ գույք ամրացնելու և անհատույց օգտագործման իրավունքով ամրացնելու մասին որոշման նախագիծ։
Ըստ այդմ՝ հողմասը կտրամադրվի ՀՀ շրջակա միջավայրի նախարարությանն ու անհատույց օգտագործման իրավունքով կամրացվի «Հայանտառ» պետական ոչ առևտրային կազմակերպությանը։
