Կրեմլում ավարտվել է Պուտինի և Ուիթքոֆի հանդիպումը
Մոսկվայում ավարտվել է Ռուսաստանի նախագահ Վլադիմիր Պուտինի և ԱՄՆ նախագահի հատուկ բանագնաց Սթիվ Ուիթքոֆի հանդիպումը։ Այս մասին «Ինտերֆաքս»-ին հայտնել են ՌԴ նախագահի մամուլի ծառայությունից։
Զրույցը տևել է մոտ երեք ժամ։
Ավելի վաղ հաղորդվել էր, որ Ուիթքոֆը Մոսկվա է ժամանել օգոստոսի 6-ի վաղ առավոտյան, նրան դիմավորել է Ռուսաստանի ուղղակի ներդրումների հիմնադրամի ղեկավար և Ռուսաստանի նախագահի արտասահմանյան երկրների հետ տնտեսական համագործակցության հարցերով հատուկ ներկայացուցիչ Կիրիլ Դմիտրիևը։
Սա տարեսկզբից ի վեր Ուիթքոֆի հինգերորդ այցն է Ռուսաստան ։ Վերջին անգամ նա Մոսկվա է այցելել ապրիլի 25-ին։
