Հնդկաստանը և Ֆիլիպինները համատեղ ռազմածովային զորավարժություններ են անցկացնում Հարավչինական ծովի վիճելի տարածքում
Ֆիլիպինյան և հնդկական ռազմածովային ուժերն առաջին անգամ համատեղ ռազմածովային զորավարժություններ են անցկացնում Հարավչինական ծովի վիճելի տարածքում:
Այս մասին հայտնում է Associated Press գործակալությունը ՝ նշելով, որ երկօրյա զորավարժությունները սկսվել են օգոստոսի 3-ին:
Ըստ աղբյուրի՝ Ֆիլիպինների զինված ուժերի գլխավոր շտաբի պետ, գեներալ Ռոմեո Բրաուներ կրտսերը լրագրողներին հայտնել է, որ զորավարժությունները հաջող են անցել և հույս է հայտնել, որ երկու երկրների զինվորականները համատեղ զորավարժություններ կկազմակերպեն նաև ապագայում:
