ՆԱՏՕ-ի գլխավոր քարտուղարը հայտարարել է՝ Իրանը չպետք է միջուկային զենք ունենա
ՆԱՏՕ-ի գլխավոր քարտուղար Մարկ Ռյուտեն անդրադարձել է Իրանի միջուկային ծրագրի նկատմամբ ՆԱՏՕ-ի դիրքորոշմանն ու նշել, որ դաշնակիցները վաղուց համաձայն են, որ Իրանը չպետք է միջուկային զենք մշակի։
Ինչպես հաղորդում է BBC-ն, նա ընդգծել է, որ դաշնակիցները բազմիցս Իրանին կոչ են արել կատարել իր պարտավորությունները միջուկային զենքի չտարածման մասին պայմանագրով։
Ռյուտեն նաև հավելել է, որ Իրանն ակտիվ ներգրավված է Ուկրաինայում Ռուսաստանի պատերազմում՝ մատակարարելով անօդաչու թռչող սարքեր, որոնք Մոսկվան օգտագործում է ուկրաինացի խաղաղ բնակիչների դեմ։
