Կամո Հովհաննիսյանն ու Ալվին Թերան կշարունակեն ելույթներն «Արարատ-Արմենիա»-ում
Հայաստանի ֆուտբոլի ազգային թիմի անդամ Կամո Հովհաննիսյանը, ինչպես նաև Ալվին Թերան շարունակում են մնալ «Արարատ-Արմենիա»-ում:
Այս մասին հայտնում է ակումբի մամուլի ծառայությունը: Նրանց պայմանագրերը երկարաձգվել են ևս 1 տարով։
Ալվին Թերան թիմում է 2021-ից՝ անցկացրել է 133 հանդիպում, իսկ Կամո Հովհաննիսյանը միացել է ակումբին 2024թ-ի հունվարին ու մասնակցել 49 հանդիպման:
Հայաստանի արդեն իսկ ավարտված առաջնությունում «Արարատ-Արմենիա»-ն մրցաշարային աղյուսակում 2-րդն էր:
Իսկ մրցաշրջանի ավարտին թիմի գլխավոր մարզիչ Վարդան Մինասյանը հեռացավ թիմից, նրան փոխարինեց պորտուգալացի մասնագետ Տուլիպան:
