Իրանի ժողովուրդը պատերազմը չի սկսել և չի էլ ցանկացել այն. Փեզեշքիան
Իրանի ժողովուրդը պետք է մի կողմ դնի իր տարաձայնությունները և միասնական կանգնի Իսրայելի ագրեսիայի դեմ։ Նման կոչ է արել Իսլամական Հանրապետության նախագահ Մասուդ Փեզեշքիանը։
«Մենք պատերազմ չենք փնտրել և չենք սկսել պատերազմը։ Մենք չենք սպանել երկրի բարձրաստիճան զինվորականներին և գիտնականներին, այլ այս ահաբեկիչներն են սպանել», – ասել է նա խորհրդարանում ունեցած ելույթում։
«Մենք ագրեսորներ չենք։ Այսօր մեզ ավելի քան երբևէ անհրաժեշտ է միասնություն և համերաշխություն, և ամբողջ Իրանի ժողովուրդը պետք է միավորվի և վճռականորեն դեմ լինի ագրեսիային»,- ասել է Փեզեշքիանը։
