Իրանը «Խիստ պատիժ» անվանումով ռազմական օպերացիա է սկսել Իսրայելի դեմ. (թարմացվող)

Իրանը հրթիռային հարձակում է սկսել Իսրայելի վրա՝ արձակելով հարյուրավոր հրթիռներ: Իրանի պետական հեռարձակող IRIB-ը ցուցադրել է իրանական հրթիռների կադրեր՝ գրելով. «Իրանի հրթիռային հարձակման սկիզբը»։ Իրանն իր պատասխան գործողությունն անվանել է «Խիստ պատիժ»։

Թել Ավիվում հարձակման է ենթարկվել Իսրայելի պաշտպանության նախարարության շտաբը։

Հրթիռային հարձակումից հետո ամբողջ քաղաքը ծխի մեջ է, հաղորդում են մի շարք լրատվամիջոցներ։

Իսրայելի ուղղությամբ արձակվել է ավելի քան 150 հրթիռ։ Իրանական հրթիռները հարձակվել են Կիրիայում Իսրայելի պաշտպանության բանակի գլխավոր հրամանատարական կետի վրա, որտեղ գտնվում էր Իսրայելի ողջ ռազմական և քաղաքական ղեկավարությունը։

● Իրանական բանակը հաստատում է երկու իսրայելական F-16-ների և մի քանի անօդաչու թռչող սարքերի ոչնչացումը: Իրանի զինվորականները գերի են վերցրել խփված իսրայելական ինքնաթիռի կին օդաչուին, հաղորդում է Tasnim-ը։

●  Իրանի Իսլամական հեղափոխության պահապանների կորպուսը (ԻՀՊԿ) հայտնել է, որ հարվածները հասցվել են Իսրայելի տասնյակ թիրախների, ռազմական և օդային բազաների։

●  Իրանի կողմից արձակված մի քանի հրթիռներ հարվածել են Իսրայելի ազգային անվտանգության նախարարության շենքին։ Այս մասին հայտնում է իրանական պետական ​​IRNA գործակալությունը։

●  Իրանը հրթիռների «երրորդ ալիքն» է արձակել՝ ի պատասխան Իսրայելի հարձակման, հայտնում է Իրանի պետական հեռուստատեսությունը։

●  Իսրայելի պաշտպանության նախարարը հայտարարել է, որ Իրանը «անցել է բոլոր կարմիր գծերը»՝ հրետակոծելով Իսրայելի բնակելի հատվածները։

●  Մեկնարկել է ՄԱԿ-ի Անվտանգության խորհրդի արտակարգ նիստը

Այն հրավիրվել է Իրանի խնդրանքով ՝ իրանական տարածքի վրա իսրայելական հարձակումից հետո:

●  Տեղեկություններ են տարածվում, որ Իրանի հարվածի հետևանքով Իսրայելի Դիմոն քաղաքում միջուկային օբյեկտ է ոչնչացվել։ Այս մասին հայտնել է ВГТРК-ի Մերձավոր Արևելքի թղթակից Ալեքսանդր Բիլիբովը։

Նրա խոսքով՝ Թել Ավիվի Կիրիա կառավարական շենքերի համալիրը վնասվել է Իրանի հրթիռային հարձակման հետևանքով։

● Իրանական 3-րդ ալիքը գրում է, որ Իսրայելի ագրեսիային արձագանքելու համար քննարկվող տարբերակների շարքում է Իրանի կողմից Հորմուզի նեղուցի և Եմենի կողմից Բաբ էլ-Մանդեբի նեղուցի փակումը։

Իրանը զգուշացնում է, որ Իսրայելի գործողությունները կարող են խաթարել համաշխարհային էներգետիկ անվտանգությունը։

● ՄԱԿ-ում և ՄԱԿ-ի Անվտանգության խորհրդում Ռուսաստանի Դաշնության մշտական ներկայացուցիչ Վասիլի Նեբենզյան հայտարարել է, որ Իսրայելի հարձակումը Իրանի վրա տարածաշրջանը մղում է դեպի «մեծածավալ միջուկային աղետի»։

Նա ընդգծել է, որ Ռուսաստանը խստորեն դատապարտում է այս հարձակումը։

● Իրանի արտաքին գործերի նախարար Արաղչին հայտարարել է, որ Թեհրանը խորհրդակցություններ է վարել ԱՄՆ-ի հետ բանակցությունների նոր փուլի շուրջ, սակայն Իսրայելի հարվածները ստիպել են երկրին «հեռանալ դիվանագիտության ուղուց»։

● Իրանի Նաթանզ քաղաքի միջուկային օբյեկտներում ճառագայթային և քիմիական աղտոտվածություն է հայտնաբերվել. ՄԱԿ ԱԽ նիստում հայտարարել է ՄԱԳԱՏԷ-ի ղեկավար Ռաֆայել Գրոսսին։

Նրա խոսքով՝ Իրանի Նաթանզ քաղաքի միջուկային օբյեկտներում ճառագայթային և քիմիական աղտոտվածությունը կարելի է վերահսկել։

«ՄԱԳԱՏԷ-ն պատրաստ է փորձագետներ ուղարկել Իրան», – հայտարարել է նա։

● Թել Ավիվը` Իրանի հրթիռային հարձակումից հետո. թելեգրամյան ալիքները հաղորդում են իսրայելական կողմում 17 վիրավորի մասին։