Ավստրիայի դպրոցում հարձակման մեջ կասկածում են 22-ամյա շրջանավարտին
Ավստրիայի Գրաց քաղաքում տեղի ունեցած հարձակման մեջ կասկածում են դպրոցի 22-ամյա շրջանավարտին, որն իրեն համարում էր ծաղր ու ծանակի զոհ. նրան մահացած գտել են զուգարանում: Այս մասին հաղորդում է ավստրիական Kronen Zeitung թերթը։
Հրաձգության հետևանքով զոհվել է առնվազն տասը մարդ, այդ թվում՝ կասկածյալը, որն, ամենայն հավանականությամբ, ինքնասպան է եղել։ Եվս 28-ը տեղափոխվել են հիվանդանոց։
Ըստ հրապարակման՝ հարձակվողը, որը, ենթադրաբար, նախկին աշակերտ է, կրակ է բացել Գրացի BORG դպրոցի երկու դասարաններում։
Թերթը նշում է, որ ներկայում շենքը մանրակրկիտ խուզարկվում է: Միջնակարգ դպրոցում հրաձգությունը տեղի է ունեցել հունիսի 10-ին, առավոտյան ժամը 10-ին։ Ավելի վաղ հաղորդվում էր առնվազն 8 զոհի մասին։
