Թիմը որոշակի առաջխաղացում ունեցավ նախորդ խաղի համեմատ․ Ջոն վան՛տ Սխիպ
Հայաստանի հավաքականն արտագնա ընկերական խաղ է անցկացրել Չեռնոգորիայի հետ և 2։2 հաշվով ավարտել այն։ Հայաստանի թիմի կազմում դուբլ է ձևակերպել Էդուարդ Սպերցյանը։
Հավաքականի գլխավոր մարզիչ Ջոն վան՛տ Սխիպը խաղից հետո պատասխանել է լրագրողների հարցերին։
«Կարծում եմ՝ որոշ գործոններով կարողացանք բարելավել մեր խաղը։ Կարծում եմ՝ գեղեցիկ խաղ ցուցադրեցինք։ Շատ արագ բացեցինք հաշիվը, հետո արագ էլ բաց թողեցինք։ Հավասար խաղ էր, բայց, կարծես, մենք ավելի շատ պահեր ունեինք․․․ Ժիրայր Շաղոյանի, Նարեկ Գրիգորյանի պահերը։ Արդյունքն, իհարկե, շատ կարևոր է, բայց ավելի կարևոր է տեսնել , որ թիմը որոշակի առաջխաղացում ունեցավ նախորդ խաղի համեմատ»,- ասել է մասնագետը։
