Էրդողանը մտադիր է Սիրիա այցելել
Թուրքիայի նախագահ Ռեջեփ Թայիփ Էրդողանը մտադիր է այցելել Սիրիա և դա կանի հարմար պայմաններում։ Այս մասին Անթալիայի դիվանագիտական ֆորումի արդյունքներով մամուլի ասուլիսում հայտարարել է Թուրքիայի արտաքին գործերի նախարարության ղեկավար Հաքան Ֆիդանը։
«[Թուրքիայի] նախագահն ունի նման ցանկություն։ Մենք աշխատում ենք այցի և դրա ամսաթվի նախապատրաստման վրա։ Հենց համապատասխան պայմաններ լինեն, այն կկայանա», – ասել է Ֆիդանը։
Տեղական և արտասահմանյան լրատվամիջոցներն ավելի վաղ հայտնել էին ապրիլի վերջին-մայիսի սկզբին Էրդողանի Սիրիա այցի հնարավորության մասին։ Սիրիայի ժամանակավոր նախագահ Ահմեդ ալ-Շարաան մասնակցել է Անթալիայում անցկացվող ֆորումին և միջոցառման շրջանակներում բանակցություններ է վարել Էրդողանի հետ։
