«Գյումրում ձերբակալվել է 4 քաղաքացի, որոնցից 3-ը 70-անց, 80-անց ու 90-անց կանայք են. իրավապահների վարքագիծն ընդգծված քաղաքական»
Մարտի 30-ին՝ ժամը 15:00-ի սահմաններում ընտրական իրավախախտում կատարելու կասկածով Գյումրում ձերբակալվել է չորս քաղաքացի, որոնցից երեքը 70-անց, 80-անց ու 90-անց կանայք, սակայն մինչև 22:20 րոպեն իրավապահները թույլ չեն տվել փաստաբաններին այցելելու նրանց։ Այս մասին հայտնում է Հինգ իրավապաշտպանների նախաձեռնությունը։
«Փաստում ենք, որ իրավապահների վարքագիծը ոչ միայն ապօրինի է, այլև ընդգծված քաղաքական, քանի որ առերևույթ նպատակ է հետապնդում ուշացնելու ՔՊ-ի քարոզչական թեզերի հերքումը։
Ինչ վերաբերում է հարցի բարոյական կողմին, ապա դրան անդրադառնալը նույնիսկ ավելորդ է»,- հայտնում են Հինգ իրավապաշտպանների նախաձեռնությունից։
