Հարավային Կորեայի ընդդիմությունը նախաձեռնել է նախագահի պաշտոնակատարի իմփիչմենթը
Հարավային Կորեայի ընդդիմությունը՝ «Տոբուրո» դեմոկրատական կուսակցության գլխավորությամբ, առաջարկ է ներկայացրել խորհրդարանի աշխատակազմի պրոֆիլային մարմնին երկրի նախագահի պաշտոնակատար, փոխվարչապետ Չհվե Սան Մոկին իմփիչմենթ հայտարարելու վերաբերյալ։
Առաջարկի պատճառ է դարձել այն, որ Չհվե Սան Մոկը հրաժարվել է նշանակել Սահմանադրական դատարանի վերջին դատավորին։
Դեկտեմբերի վերջին փոխվարչապետը նշանակել է երեք թեկնածուներից երկուսին:
Փետրվարի 27-ին Սահմանադրական դատարանը որոշել է, որ խորհրդարանի առաջադրմամբ Կորեայի Հանրապետության նախագահի պաշտոնակատար Չհե Սան Մոկի՝ դատավորի պաշտոնում երեք թեկնածուներից մեկին նշանակելու մերժումը խախտում է օրենսդիր մարմնի լիազորությունները։
Օրենքի համաձայն՝ իմփիչմենթի քվեարկությունը հնարավոր է նախաձեռնությունը խորհրդարանի լիագումար նիստին ներկայացնելուց 24 ժամ հետո:
«Տոբուրո»-ն վերահսկում է խորհրդարանի 300 տեղերից 170-ը։
2024 թ. դեկտեմբերի 27-ին խորհրդարանը իմփիչմենթ է հայտարարել Կորեայի Հանրապետության նախագահի պաշտոնակատար Հան Դոկ Սուին։
Դեկտեմբերի 14-ին խորհրդարանն իմփիչմենթ էր հայտարարել պետության ղեկավար Յուն Սոկ Յոլին։
Մարտի 24-ին Սահմանադրական դատարանը կհրապարակի նախագահի պաշտոնակատար Հան Դոկ Սուի իմփիչմենթի գործով վճիռը։ Ինչպես ենթադրում են փորձագետները, եթե դատավորները վերականգնեն նրան պաշտոնում, ապա դա կարող է անորոշություն ստեղծել Չհվե Սան Մոկի իմփիչմենթի հեռանկարների շուրջ:
