Թուրքական ևս մեկ օդանավակայանից ուղիղ չվերթներ կիրականացվեն դեպի Բաքու
Հունիսի 15-ից կմեկնարկեն Չուքուրովայի միջազգային օդանավակայանից ուղիղ չվերթներ դեպի Բաքու և կլինեն շաբաթական 2 անգամ՝ հինգշաբթի և կիրակի օրերին։ Թռիչքները իրականացվում են միջազգային չափանիշներով բոլոր որակավորումներով նախագծված օդանավակայանից դեպի 7 երկրի՝ 16 տարբեր կետեր։ Այս մասին տեղեկացնում է ermenihaber.am-ը։
Այդ 7 երկրների թվում են Գերմանիան, Նիդեռլանդները, Բելգիան, Անգլիային, Հյուսիսային Կիպրոսի ինքնահռչակ թուրքական հանրապետությունը, Ռուսաստանը և Լիբանանը։ Վերոնշյալ ցանկին ավելացվեց նաև Ադրբեջանը՝ Բաքու ուղղությամբ։
Նշվում է, որ օդանավակայանի թռիչքուղին կառուցվել է մեծ թռիչքներ սպասարկելու հնարավորությամբ՝ թույլ տալով թե՛ բեռնատար, թե՛ մարդատար ինքնաթիռներին հեշտությամբ վայրէջք ու թռիչք կատարել:
