Ռուսաստանն ու Միացյալ Նահանգները պատրաստվում են բանակցություններին
Ռուսաստանը կապի մեջ է ԱՄՆ-ի հետ, նախապատրաստական աշխատանքներ են տարվում ուկրաինական հակամարտության կարգավորման շուրջ բանակցությունների համար, ճեպազրույցի ժամանակ հայտարարել է ՌԴ նախագահի մամուլի խոսնակ Դմիտրի Պեսկովը։
«Կապի մեջ ենք ամերիկացիների հետ, նոր զարգացումների դեպքում հավելյալ տեղեկատվություն կտրամադրվի»,- ասել է նա։
Ավելի վաղ ԱՄՆ նախագահի հատուկ բանագնաց Սթիվ Ուիթքոֆը հայտնել էր, որ Վաշինգտոնը քննարկել է՝ ինչ կազմով է ներկայանալու ամերիկյան պատվիրակությունը ուկրաինական հակամարտության կարգավորման շուրջ առաջիկա բանակցություններին և այդ մասին տեղեկացրել է Մոսկվային։
