Վթար Հալաբյան և Արզումանյան փողոցների խաչմերուկում. կա տուժած
Մարտի 5-ին, ժամը 14:48-ին Ճգնաժամային կառավարման ազգային կենտրոն տեղեկություն է ստացվել, որ Երևան քաղաքի Հալաբյան և Արզումանյան փողոցների խաչմերուկում տեղի է ունեցել ՃՏՊ․ առկա է վառելիքի արտահոսք։ Հայտնում են ՀՀ ՆԳն փրկարար ծառայությունից:
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից մեկ մարտական հաշվարկ։
Պարզվել է, որ բախվել են «Porshe» մակնիշի ավտոմեքենան և «Zhong Tong» մակնիշի երթուղային ավտոբուսը, կա տուժած․ առկա է վառելիքի արտահոսք։
Փրկարարները սահմանազատել են տարածքը և իրականացրել հերթապահություն մինչ «Porshe» մակնիշի ավտոմեքենայի բենզինի արտահոսքի դադարելը։
Տուժածին տեղում ցուցաբերվել է օգնություն։
