Ադրբեջանին բոլոր մտահոգիչ հարցերի վերաբերյալ առաջարկներ ենք արել և սպասում ենք արձագանքի․Փաշինյան
Հայաստանի կառավարությունը հաստատակամ է Ադրբեջանի հետ խաղաղության օրակարգն իրականացնելու հարցում։ Այս մասին Նիկոլ Փաշինյանը հայտարարեց Վրաստանի վարչապետ Իրակլի Կոբախիձեի հետ համատեղ ճեպազրույցի ժամանակ:
«Հայաստանը ներկայացրել է շատ կոնկրետ առաջարկներ և լուծումներ, ու սպասում է Ադրբեջանի կառուցողական արձագանքին»,- ասաց նա։
Փաշինյանի խոսքով ՝ Երևանը շարունակելու է ջանքեր գործադրել այդ ուղղությամբ:
Նա նաև տեղեկացրեց, որ այսօրվա բանակցություններում Իրակլի Կոբախիձեին ներկայացրել է Ադրբեջանի հետ սահմանազատման և սահմանագծման վերաբերյալ վերջին զարգացումները և ձեռք բերված պայմանավորվածությունները, նշեց, որ կողմերը պայմանավորվել են ակտիվացնել ջանքերն այդ ուղղությամբ։
