Գեորգի Հարությունյանը նոր ակումբ ունի
«Կրասնոդարը» հայտարարել է իր թիմի պաշտպան Գեորգի Հարությունյանի՝ հունգարական «Պուշկաշ ակադեմիա» տեղափոխության մասին։
«Շնորհակալություն, Ժորա։ Մաղթում ենք քեզ հաջողություններ հետագա կարիերայում»,- գրել է ակումբի մամուլի ծառայությունը։
Հունգարական ակումբը հայտնել է, որ հայ ֆուտբոլիստի հետ պայմանագիր է կնքվել մինչև 2028 թվականը։
Գեորգի Հարությունյանը կրասնոդարյան ակումբի ակադեմիայի սան է։ Նա իր նորամուտը հիմնական թիմում նշել է 2022/2023 մրցաշրջանում։ Transfermarkt-ի համաձայն՝ ֆուտբոլիստի տրանսֆերային արժեքը գնահատվում է 1 մլն եվրո։ Գեորգին Հայաստանի հավաքականի կազմում անցկացրել է 20 հանդիպում։
