Ուկրաինայում հակամարտությունը շրջադարձային կետի է մոտենում. Ֆիդան
Թուրքիայի արտաքին գործերի նախարար Հաքան Ֆիդանը կարծում է, որ ուկրաինական հակամարտությունը շրջադարձային կետի է մոտենում, և Անկարան պատրաստ է աջակցել դրա կարգավորմանն ուղղված ջանքերին։ Այս մասին նա ասել է ԵՄ դիվանագիտական ծառայության ղեկավար Կայա Կալլասի հետ բանակցություններից հետո կայացած մամուլի ասուլիսում։
«Մենք տեսնում ենք, որ Ուկրաինայում շուրջ չորս տարի շարունակվող պատերազմն այժմ շրջադարձային կետին է մոտենում։ Այս համատեքստում մենք կարծում ենք, որ դիվանագիտությունը մշտական և արդար լուծման միակ տարբերակն է։ Մենք պատրաստ ենք աջակցել նախաձեռնություններին, որոնք ուղղված են բանակցային գործընթացի աշխուժացմանը՝ նպատակ ունենալով շուտափույթ դադարեցնել պատերազմը»,- ասել է Ֆիդանը։
