Էրդողանը մտադիր է կառավարության հետ քննարկել «ճանապարհային քարտեզ» Թրամփի օրոք
Թուրքիայի նախագահ Ռեջեփ Թայիփ Էրդողանը նախատեսում է երեքշաբթի նախարարների կաբինետի հետ քննարկել Անկարայի «ճանապարհային քարտեզը»՝ ԱՄՆ-ում Դոնալդ Թրամփի նախագահության օրոք։ Այս մասին տեղեկացրել է Türkiye թերթը՝ հղում կատարելով աղբյուրներին։
«ԱՄՆ-ում նախագահի փոփոխության հետ կապված՝ կքննարկվեն նաեւ Իրաքում եւ Սիրիայի հյուսիսում հակաահաբեկչական գործողությունները։ Քննարկվելու է նոր «ճանապարհային քարտեզը», որը պետք է իրականացվի ԱՄՆ նորընտիր նախագահ Դոնալդ Թրամփի պաշտոնավարումից հետո։ Հարցը, թե ինչպես պահպանել հարաբերությունները ԱՄՆ նոր վարչակազմի հետ, կքննարկվի համակողմանիորեն»,- գրել է թերթը։
